我與特奧會

2007年4月12日

小事幾則 - 07年4月上旬

今個復活節假期,大多數時間都在家,而且可以瞓耐啲,攪到晏咗起身,晏咗食早午餐,有時仲兩餐一齊食,結果假期後返工當日精神好差。

最近發現粵語配音版《Bleach漂靈》DVD在大眾書局或者一些影碟舖有得賣,仲係有線電視版本添!尋日仲睇咗33至36集,如果我地繼續Keep呢個狀況,睇唻都唔駛等每個禮拜六睇有線喇!


因為爸爸需要蔬果雕刻的書,於是趁假期出去大眾書局買書,順便自己都想買啲書返去睇,最後買咗三本《與光同行》漫畫,可能係因為我睇過電視版《與光同行》,都想睇吓漫畫版有乜嘢分別,發現兩者的分別頗大,雖然有啲情節與電視版一樣,但發生的時間和對象都唔同,總括來講漫畫故事設計得不錯,內容亦能吸引我繼續追看,或者我都係同一類人,所以對他們在故事中的看法有同感。

前日放返工去Gym room做運動,更啱阿昇都係呢個時候做,於是就兩個人一齊做體能訓練,由於每次自己做運動大多數都係帶氧訓練,所以較為少做腰腹、舉啞鈴之類0既體能,第二日就出現肌肉酸痛,起身都要側少少身先得,到今日都仲有啲痛。

四月尾開始,自己同公司方面都會多啲嘢做,包括公司一連串的體育活動;沙公家長日可能找我回來做畢業生分享,最重要嗰樣就係......5月6日特殊奧運會執法人員火距慈善跑呀!而且今年仲首次喺中國上海舉辦「特殊奧運會夏季世界比賽」,同時香港係亞太區首個宣揚特殊奧運會「希望之火」的地方,加上自己係特奧全球友好使者,所以更加值得參與!

3 則留言:

  1. "與光同行",出到第十期喇,我一路睇一路諗我個仔嘅將來添 !

    回覆刪除
  2. This year torch run will you run? Will you run for the health for the company? kiu    

    回覆刪除
  3. Touch Run或者會跑, 不過公司嗰......唔知到時駛唔駛做嘢喎。

    回覆刪除