我與特奧會

2008年6月25日

「風神」附身,可獲半天假期

今早六點半「札醒」見到阿媽走出睡房,就問佢而家仲係唔係八號風球,阿媽就答我:「而家係八號,不過天文台話『稍後』會改掛三號喎,都唔知『稍』到幾時。」之後我再瞓多一陣,到八點半左右起身。


過咗九點鐘嘅返工時間,八號波仍然懸掛,即係話已經肯定朝早唔駛返工啦!但都無乜嘢好做,唯有上網或者打NDS嚟打發吓時間囉。

早上十點幾,大哥被老闆Call醒叫返工,大哥話:「駛唔駛咁博呀?」之後帶著一副迫於無奈嘅樣子出門口。

早上十一點十五分改發三號風球,但呢個時候返到公司都已經係午飯時間,倒不如過咗午飯時間後先返去都唔遲。

雖然話係三號風球,不過有時會吹起強風,所以返公司嗰段路真係唔易行。

題外話:



呢本就係六年前用嚟寫長篇遊記嘅簿,記載到三年前去巴拿馬參加《特奧全球運動員代表大會》,但都係寫咗一半就因為返工無時間寫。


打開一睇,全部都係字,因為當時未有Blog,而且又未有數碼相機,只有靠Scenner將啲菲林相Scen落電腦度,所以我會先寫係簿上,然後先打落電腦Word File內再以網頁形式保存,因為以前有容量限制,以前嘅日記都係文字比較多,圖片比較少,而家睇番以前寫啲遊記真係長篇大論,真係唔明點解以前有咁多時間寫嘢。

我用黃色螢光筆Highlight咗一啲重點出來,日後可以用擇要形式推出,而家仍然努力中,之後仲要揀相,又需要一點時間,所以各位Blog友耐心等候......

4 則留言:

  1. 你就好有半day ,我份工無呢d優惠待遇,噚日凌晨5點鐘等車返工,最后遲咗一個鐘返工,返到去係咁聽電話聯絡未返到嘅同事,無停手,超忙 !
    [版主回覆06/26/2008 19:05:00]為保障市民安全嘅工作就係咁架啦!

    回覆刪除
  2. 路過的 ~ hi~ 一本很珍貴的遊歷日誌呢!!!
    [版主回覆06/26/2008 22:39:00]路過的Blog友,歡迎你!
    因為現在有Blog,加上要返工,已經沒有什麼閒情逸緻寫在這本日誌上了。

    回覆刪除
  3. 你真的好厲害,可以寫這麼多字,要好好保存這本遊記啊!
    [版主回覆06/27/2008 21:18:00]不過太過長篇大論了。

    回覆刪除