我與特奧會

2008年9月5日

週年大賽之後......

好一段時間無講公司的事了,之前講過剛剛完成了WAC的週年大賽,表面上可以暫時休息一下,實際上仍然有不少鎖碎工作,單係9月中已經要處理3個田總比賽報名,而且差不多時間截止,第一個聯賽第4站已經完成得七七八八,餘下的就只有分齡賽第2站和Nike 10K,兩個都頗麻煩的比賽未完成,前者好多分組,後者就必須要田總會員才可優先報名,稍有差池就好容易俾人「媽媽叉叉」,好鬼麻煩。


另一方面,由於阿昇9月中至10月尾去了美國讀書,所以老闆下令我哋啲年假要早啲清,仲話阿昇離開嗰段期間盡量唔好攞假,即係話如果9月唔放嘅話,就要等到11月先可以再攞假,我而家暫時揀咗9月8日,為了9月7日幫Michael手去參與立法會選舉助選團的事後可以休息一下,以及9月26日要出席美國萬通舉辦的分享會,所以先攞咗呢日先,以後嘅就唯有之後睇睇有什麼特別日子先再放假,直至放剩幾日為止,然後喺12月嘅時候再放餘下嘅假期。

2 則留言:

  1. 估唔到你咁有公民意識喎!除咗登記做選民外,仲參與做立法會選舉助選團添!明日(九月七日)你肯定忙過返工,辛苦晒你啦!
    唔知選邊個好,真係一年比一年難揀,其實我想選人,唔係選政黨,我為咗呢件事都好頭痛!
    [版主回覆09/06/2008 16:22:00]你講得無錯,今年啲參選人政綱來來去去都差唔多,冇乜新意,不如出去做啲嘢仲好!

    回覆刪除
  2. 咁你咪重有好多假未放得哂?都好嘅,到十二月先放就可以有個悠長假期啦!
    [版主回覆09/08/2008 08:29:00]Yes

    回覆刪除