我與特奧會

2008年12月24日

中式平安夜 暨 200篇網誌及500篇回應誌慶!



今日早上Michael打電話約我出來荃灣飲茶,太好喇!之前我好想約佢一齊出嚟聚吓舊,同時傾吓有關運動員領袖計劃嘅發展方向,如今佢主動約我出嚟見面,順便帶埋之前獲得嘅「民政事務局局長社區嘉許狀」俾佢睇,實行賀一賀佢!


不過最近我左面大牙嘅補牙物料甩咗,而家呢個位置又變返一個大洞,今日夜晚嘅時候仲開始牙痛添!好彩食咗止痛藥之後暫時無咁痛,同時亦都約咗下個星期五喺上次同我脫智慧齒嗰位牙醫度睇吓點補救,不過睇嚟都係擺脫唔到「杜牙根」甚至要脫牙嘅命運喇!真係估唔到《沒有智慧齒的日子》系列仲有篇「外傳」俾大家娛樂一下。

講起網誌,不經不覺,《全球使者部落》已經成立咗兩年幾嘅時間,喺完成海南島遊記嘅時候已經寫過超過200篇網誌,喺今日更加超過咗500個回應嘅大關!

我成立《全球使者部落》嘅目的就係要將特奧精神帶到日常生活中,直至現在,部落已經取得一定嘅成果,全靠各位一直以來嘅支持,包括屈臣氏同事們、SAM會職員們、國際特奧會及特奧會東亞區朋友們、沙公老師同家長們、Blog友him媽、曦媽媽、Carson媽媽、waiwai媽、Kiukiu、Daisy......等等,不能盡錄。喺呢段期間我會找尋新Blog友,繼續帶旺呢個部落!

沒有留言:

張貼留言