我與特奧會

2009年3月23日

小事幾則 - 09年3月

自從我從美國返嚟之後,一直都無同各位講吓發生喺我身邊嘅小事喇!

有關WAC:
  1. 噚日剛剛完成咗田徑聯賽第二回合嘅行政工作,而今個星期四要去金鐘出席田總周年聚餐,再跟往會召開教練會議,過咗呢個三月後,工作量會稍為減少,到時可以睇睇有乜事項未清理就做完佢。

  2. 我喺美國返嚟後,WAC同事開咗一次會,因為新同事Ming由原本嘅11樓搬來我哋6樓嘅office,加上我去美國之前嘅工作其實都做得不太好,所以我以前跟開嘅報名交俾Ronnie負責,而我就跟一啲普通行政工作,自從轉咗分工後,工作稍為比以前舒服啲。

  3. 不過老實講,我一直都有啲萌生去意嘅念頭,好想只係集中去做特奧及運動員領袖計劃嘅籌備工作,但因為考慮到而家嘅時勢,加上未有新嘅機遇,所以暫時繼續做往先,至於想做乜嘢工種?演藝事業係有想過,但係又唔識做戲,唱歌又唔係特別好聽,所以都係想吓好啦!如果做番行政工作嘅話,首選一定係HKSAM,畢竟嗰度係我第二個家,而且工作性質又係我最鍾意嘅,如果有空缺嘅話都會試吓應徵,不過而家未有;出書?其實有人提議過我架!但係唔知從何入手咋!

有關SO:
  1. 雖然我嘅全球友好使者任期已經屆滿,但仍然以特奧董事會成員參與特奧活動,3月30日有HKSAM研討會召開,到時會請假出席。

  2. 仲有!5月10日係一年一度特殊奧運執法人員火炬慈善跑嘅大日子!有興趣嘅朋友就瀏覽http://www.hkso.org.hk/chi/hkso/law.asp查詢!今年係火炬跑20周年,記得踴躍參加啦!

有關自己:
  1. 上星期我買咗一部新電腦,連同三合一打印機、MS office同三年保養,都係五千幾蚊!分24個月付款,算係抵買!今日啲貨已送到屋企,聽日安裝,正式告別借用咗兩年嘅舊電腦!換機嘅原因有:第一,Windows係簡體,當想搵軟件安裝好麻煩,而且部機仲係二手,有啲程式唔敢攪,第二,部機唔夠力,連唔到個手提硬碟機,第三,佢唔可以燒碟;第四,每次重新開機都要重新安裝個打印機,加上部Scenner又不能運作,就順便換過部三合一打印機,經濟又實惠!而緊接嘅特奧冬季世界賽之旅第8章會成為新電腦安裝後嘅第一篇網誌,到時記得留意啦!

3 則留言:

  1.              感謝分享!
    [版主回覆03/24/2009 18:41:00](Empty)

    回覆刪除
  2. HKSAM的工作很適合你,有機會你一定要嘗試,也可以向特奧反映我們網友家長們的意見,我們都會支持你。 寫書也很好的建議,你可以寫自傳式的回憶錄,整理自己成長的心路歷程,記錄發生在你周圍感人的人和事,這樣既可以讓你有機會再一次更清楚地了解自己,也可以鼓勵在逆境中成展的孩子們。
    [版主回覆03/25/2009 13:34:00]如果HKSAM有適合的空缺的話,我一定會去嘗試,至於反映意見方面,這不成問題,我可以嘗試向他們反映一下。
    我寫書的話都是會傾向自傳形式,一來容易掌握,二來可以讓更多人知道特奧如何改變智障人士的生命。

    回覆刪除
  3. 五千幾蚊,好抵呀!
    [版主回覆03/25/2009 13:41:00]而家啲桌上電腦都好抵買,如果只係用嚟上網、一般文書工作或者簡單執相,一般三千幾四千蚊就有交易,淨買電腦主機嘅話仲可以平到二千蚊添!

    回覆刪除