我與特奧會

2009年7月29日

2009年書展




上星期日,我和Dickson、思薇、美億等人一齊去灣仔會展睇書展,負責約定時間嘅美億原本約咗我們下午1時在灣仔地鐵站等,不過人人都準時到,就係美億遲到,佢話返咗教會所以遲咗喎。(如果係咁就約晏啲啦!大佬!)

今次我應約去書展都係有目的嘅,就係睇吓有無一啲電腦入門嘅書藉、特別嘅旅遊書 (當然日本東京就最好啦!)以及買番本蘇樺偉嘅自傳《赤道上的金牌》支持下!雖然話有目的,但係無都唔係太緊要,順其自然啦!

呢個美億話就話約我哋一齊去睇,但係佢就第一個衝咗入去,原來佢係為咗去傅穎簽名會,仲要我哋要走嘅時候佢都仲喺會場!真係唔知佢想點!



我們去咗其中兩個展區,而1樓展區就最多人。




有啲商品係平時都冇得買,好似呢啲文字卡,以為佢好似攞玩具咁輕,但一攞上手就好似捧一箱800毫升支袋水咁重。




今年連TVB都開Counter,世界變囉!




TVBuddy不時同在場人士打招呼!




如果今次想睇有冇電腦入門嘅書籍嘅話,唔好意思,呢度無得賣,而唯一同電腦有關嘅就係上圖呢個學習倉頡嘅軟件。




其中一個Counter擺賣咗司徒華嘅作品。




司徒華當日仲親身嚟到同大家見面,而最左手面著黑色衫嗰位其實係港台節目《頭條新聞》嘅主持人之一「森哥」,佢今次亦都有新書推出。




另外一個Counter就售賣「泰國通」胡慧沖嘅商品。




而胡慧沖本人就喺度拍Video,之後仲同在場人士揮手打招呼!

臨走嘅時候,咁啱撞正周麗淇到場,佢本人就見唔到啦!皆因佢俾一班Fans圍往,又尖叫,又打鑼打鼓咁!仲要無啦啦突咗吧男聲大嗌Miki個名!攪到我毛管都棟哂!

行完書展之後,我就去土瓜灣工聯會上爵士舞班,6點幾返到屋企之後個頭仲有啲痛,可能太熱,有小小中暑跡象都未定。

1 則留言: