我與特奧會

2009年8月25日

同老豆視像




如果你見到上面呢張圖片,你可能會問:「乜你老豆唔係喺日本嘅咩?」無錯,佢身在日本,但係佢有電腦上網同視像系統,可以同我用MSN或者QQ作視像對話。

我老豆絕對係個「電腦白痴」,但係偏偏就識用視像對話,自從1年多前佢喺屋企見到二哥同大哥視像對話之後,佢就對呢家嘢產生咗興趣,更喺幾個月前喺日本買咗部手提電腦,內置視像系統,之後喺佢同事嘅幫助下,成功進行第一次視像對話。

喺同佢幾次對話中,發現同身處日本嘅朋友用MSN視像嘅話,對方嘅視像就會全黑,相反用QQ就無呢個問題,唔知係佢哋個Modem問題,定係日本整個互聯網同香港唔同而唔支援MSN視像,呢層我真係唔知道。

沒有留言:

張貼留言