我與特奧會

2009年9月17日

日本東京一人之旅 Chapter 1.1 - 出發,一號風球

10-9-09 (香港)

原本諗住6點鐘起身,6點3出發到機場,但係今朝早遲咗少少起身,攪到6點7先出門口,因為搭9點班機,唯有搭的士前往機場。

不過因為早一日做咗網上Check-in,所以去到嘅時候只要擺行李寄倉,攞埋張登機證,唔駛兩分鐘就攪掂!



見仲有時間,於是就喺機場搵嘢食,搵到一間以炸雞出名嘅快餐店食咗個蕃茄湯通粉早餐,味道麻麻地,但只為醫飽個肚,所以無乜所謂。



食完早餐,跟住就進入離境大堂過海關同Check手提行李,然後再Check吓航班詳情......

我坐嗰班機喺第71號閘口登機。


即係機場最尾嗰個位,要坐無人駕駛列車過去。



行到閘口附近有一間台灣牛肉麵專門店,最特別嘅地方係每個位都有電視收看,各位睇真啲,當時原來打緊一號風球,初時我以為眼花睇錯。



跟著去咗無印良品,見到一本2010年曆簿好吸引,於是就買咗佢,盛惠85港元。



跟住就到閘口等候登機。



等候期間,就試吓開電腦用Wifi上網,而嗰篇出發網誌係由呢度發出嘅。



由於國泰做緊優惠,所以訂購咗國泰航班,飛機起飛後約1個鐘頭後,就送上飛機餐。



主菜 - 玉子豆腐魚柳飯,味道一般,不過飛機餐來講算唔錯。



食完飛機餐,就喺度Plan埋餘下嘅行程,小弟早於個多月前已經開始搜集資料,Print哂東京主要鐵路線、來往機場交通、酒店附近地圖、旅遊保險等,今次有百份之90嘅行程都係參考圖中嗰本天書,而且行程進行時帶住佢出街亦十分可靠。



經過4個鐘頭嘅航程後,終於都到達東京喇!

究竟小弟一個人點樣成功去到酒店?請看下回分解!









5 則留言:

  1. 我舊年去東京都係帶呢本旅遊書呀!
    [版主回覆09/19/2009 21:55:00]真係十分有用。

    回覆刪除
  2. 日本酒店,唔係都可以上網訂咩?
    [版主回覆09/20/2009 17:29:00]大部份都係得嘅,如果兩人同行嘅話更加可以買一般旅行社嘅自由行Package,計起嚟平好多架。

    回覆刪除
  3. (Empty)
    [版主回覆09/22/2009 20:47:00](Empty)

    回覆刪除
  4. 你都幾好彩,避到個風
    [版主回覆09/25/2009 13:13:00]斃在避到一個就避唔到第二個呢!

    回覆刪除
  5. 平安咁去,平安咁番都唔弊啫,我想去感受下地震添
    [版主回覆09/25/2009 19:31:00]但係到而家都未有地震噃,我怕你到時去得個桔。

    回覆刪除