我與特奧會

2009年10月11日

日本東京一人之旅 Chapter 2.1 - 由原宿行到涉谷 (上)

11-9-09 (東京 - 池袋 → 原宿)

今日嘅行程有兩個主要目的,第一,睇香港隊比賽,第二,探老豆,而且喺香港買咗幾盒月餅作為探親手信,加上行程緊密,唔會中途返酒店,所以就將月餅放落背包中,費事一來一回嘥車錢又嘥時間。




早上我先坐JR山手線前往原宿駅,皆因《亞洲青少年傷殘人士運動會》嘅乒乓球比賽就喺呢個地方進行。

不過都要先食早餐醫吓肚先啦!



於是我就喺竹下通入口嗰間Lotteria叫咗呢個早餐。



呢個豬柳蛋漢堡包味道不錯,成個餐三百幾日圓算係抵食。

食完早餐,仲係9點幾,商舖仲未開,於是就向乒乓球比賽場地 - 國立代代本競技場出發!

不過中途發現咗明治神宮嘅入口,於是就行入去睇睇。



呢位工作人員掃樹葉嘅方式十分特別。



佢會將啲樹葉掃成一直線,但係又唔會將佢掃走。



沿途嘅空氣十分清新,同原宿駅附近市面好似兩個世界一樣,感覺十分寫意。



終於都嚟到神宮內部啦!



入鄉隨俗,入嚟前先洗手。



咁啱有對新人穿著日式傳統禮服行婚禮,我當然唔執輸影張相紀念一下啦!



呢度專係放置善信所寫嘅祈願板。



我都用咗500yen買咗一個嚟寫上自己嘅祝願。



當時神社內進行緊儀式,呢張相係偷影,因為裏面唔可以影相。



行完神社,繼續向國立競技場進發!



來到競技場門口,開始有啲緊張,因為有機會見到香港代表隊嘅比賽實況。(尤其係SAM會嗰班)



入到去真係有香港運動員比賽,呢場好似最後輸咗。



嘩!好多觀眾呀!不過全場就係得呢幅相內咁多觀眾加小貓幾隻,氣氛欠奉,可能係宣傳唔夠嘅關係掛。

雖然話觀眾少,但係儀式仲係做到足,其中一個係參賽運動員進場。

因為當日唔係有太多賽事進行,而且有香港隊比賽嘅場次唔多,所以唔見有其他港隊運動員、教練或者工作人員在場。(除咗SAP會嘅伍先生同蔣先生當日在場外)

喺場館逗留咗半個鐘之後,就離開場館向竹下通出發。

1 則留言: