我與特奧會

2009年12月17日

日本東京一人之旅 Chapter 3.2 - 一是淺草‧二是觀音‧三是三定天婦羅

12-9-09 (東京 - 築地 → 淺草)

緊接上回嘅旅程......

到達淺草後,見仲未到食晏時間,於是行一陣雷門。

呢度令我最感興趣嘅係佢哋嘅特色手信.......



同埋特色食物,我都買咗一啲返香港請同事食。

當然唔少得有著名嘅人形燒啦!有啲賣人形燒嘅店舖仲係堅持人手操作!



我都買咗一個嚟食,熱辣辣,我個人覺得甜咗啲。



雷門街另一邊都有唔少特色店舖架,有機會可以再嚟行吓。

行到咁上下,又到食晏時間,又係覓食時間!


我嚟淺草最重要嘅原因,就係呢度可以食到最好食嘅天婦羅!上次我、阿媽同老豆一齊到淺草時,就係嚟上圖呢間「尾張屋」,雖然嗰次我冇叫天婦羅定食,但我就試咗老豆一隻天婦羅蝦,好食到不得了!

不過今次就去一間比尾張屋更出名嘅天婦羅食店 - 三定!



傳統嘅日式座位,夠咁古典優雅。



餐牌寫著的「一是淺草,二是觀音,三是三定天婦羅」,足以看到這間百年老店舖的地位!



我叫咗最平嘅天丼並......唔係講少,都要1385Yen!



熱辣辣天丼送到!



睇吓!呢隻天婦羅蝦淡淡肉!仲有魷魚同魚肉都係斤兩十足!只係茄子油膩咗少少!扣咗啲分,但呢啲咁足料上乘嘅天丼喺香港一定吃唔到!

食吃美味嘅天丼之後,下一站會帶大家去辰巳國際游泳館睇香港隊嘅比賽實況!







3 則留言:

  1. 咁靚咁好味嘅天婦羅蝦,睇見都口水流呀!
    [版主回覆12/19/2009 14:58:00]呢啲咪真材實料囉!

    回覆刪除
  2. 用料新鮮的天婦羅好正!
    [版主回覆12/31/2009 13:10:00]起碼好過香港嗰啲。

    回覆刪除
  3. 下次有機會我都要去試下.
    [版主回覆12/31/2009 13:11:00]快啲去試吓啦!真係好好味架!

    回覆刪除