我與特奧會

2009年12月19日

日本東京一人之旅 Chapter 3.4 - 大江戶溫泉物語

12-9-09 (東京 - 辰巳→豐洲→台場)



睇完香港智障游泳隊嘅精彩表現之後,又繼續旅程。

其實取道辰巳睇游泳比賽嘅另一個最大原因,就係可以坐東京地鐵到豐洲站之後,轉乘「yurikamome」線前往台場。



由於呢條唔係東京地鐵轄下嘅路線,所以需要買飛坐車。



首先喺台場站落車,前往嚟到台場嘅第一個目的地......富士電視台!



本來嚟到就滿心歡喜......



但係我嚟到嘅時候,呢度已經關門喇,唯有下次有機會早啲嚟喇。



跟住就乘坐免費巴士前住另一個目的地......



大江戶溫泉物語浸溫泉!亦係今次我嚟台場另一個主要目的......



真係好彩,呢度原來做緊優惠,夜晚六點之後大人只收1200yen!認真抵玩!



入到館內,先脫鞋,然後俾錢登記兼攞浴衣......



跟住就入去更衣室換浴衣,呢度有圖示範如何穿著浴衣。

著好浴衣之後,就出去浴場浸餐飽!舒緩噚日累積嘅疲勞。



浸完溫泉之後,我就喺館內行吓......



大鼓之達人啊!不過我就冇去玩!



呢度仲有一啲小遊戲,深受小朋友歡迎。



仲有小商店,售賣紀念品。



當然唔少得有食嘅地方啦!



買咗嘢食之後,就攞牌坐底得嘢食。

我呢個浴衣look係咪好型呢!



呢個好似冷氣機搖控器嘅物體其實係電子響鬧提示,當有嘢食嘅時候,舖內嘅店員只要按嗰個號碼掣,呢個提示器會響起,十分聰明嘅設計。



我叫咗個咖哩漢堡扒飯,味道如一般Foot Court嘅水準,冇驚喜。

食完嘢,就離開溫泉館,開始打道回程。

不過就喺回程嘅途中就發生咗一段令我好唔愉快嘅事......

當時我由豐洲坐地鐵有樂町線返池袋,坐咗大約兩三個站之後,有位少少似藤卷直栽,戴著金絲框眼鏡、穿著米色西裝褸、白色恤衫、灰色西褲同啡色皮鞋嘅阿伯上車,跟住坐喺我對面,我其實乜都無做過,但係個老伯無端端望著我,一陣之後仲行到我面前用兇惡嘅語氣話我,初時我以為得罪佢,於是用有限嘅日文同佢道歉,跟住佢返埋去坐,但係佢就由嗰一刻開始,用一種令人討厭同恐佈嘅眼神望著我,直至我喺池袋落車,老伯再一次起身同我講嘢,但係我就用日文同佢講咗兩次「乜都無做過」,最後我離開咗車廂,老伯就坐返自己個位。

我對呢位老伯有兩個結論,一就係佢根本係飲醉酒或者神經失常,另一個可能佢係黑社會分子,但係我仍然有啲驚,因為我怕佢係後者。事後喺酒店我同老豆MSN,佢話日本啲黑社會唔會專登對旅客或者普通人落手。

經過呢次之後,喺往後嘅行程更加要小心為上。

1 則留言: