我與特奧會

2010年1月1日

日本東京一人之旅 Chapter 4.2 - 日劇動畫精品寶藏

13-9-09 (東京 - 上野 → 東京地下街 → 汐留 → 六本木 → 池袋)



上回講到,同阿Ming道別後,我就前往下一個目的地 - 東京站地下街。

之前我都講過N咁多次,我係個唔太鍾意Shopping嘅人,但係呢度係逗留得最耐嘅地方,究竟佢有乜嘢特別嘅魅力呢?

其實呢度專係售賣各種日劇、動畫附屬商品,鍾意新穎嘅有,鍾意懷舊嘅都有。



呢間就有吉卜力公司同另外一間公司嘅商品,想買龍貓、波兒等等產品嘅朋友就可以嚟呢間,我都喺度買咗一隻魔女宅急便嘅黑貓送俾表妹。



嗰個時候因為要力谷宣傳大耳猴嘅動畫同電影,門口亦擺放著有關佢嘅商品。


想要懷舊嗎?有港人最熟悉嘅《飄零燕》產品。


日劇方面,有NTV嘅商品專門店,呢度有一款T恤售賣,不過因為仲間諗著會去汐留所以冇買。

當然仲有好多日劇動畫商品都可以喺呢度買,不過今日因篇幅所限,所以有機會去東京嘅朋友可以嚟呢度行吓,尤其係日劇、動畫迷就更加不能錯過。



下一站:汐留

呢個古老的大鐘,於特定嘅時間會有一嘅特別嘅報時效果,不過我嚟到嘅時候剛剛過咗。



麵包超人嘅擺設。


呢度有麵包超人專門店,另外仲有NTV Tower。


當然最重要嘅目的,就係入去NTV屋買求先嗰件T恤同周圍睇吓佢哋啲產品啦!上圖呢啲商品,日劇迷都應該好熟悉喇!


行到攰,就可以嚟到Caretta Plaza休息一下.......


仲可以欣賞每20分鐘一次嘅龜之噴水表演。

再嚟下一站:六本木



首先嚟到露天廣場Arena,咁啱呢度有熱帶魚同養魚產品嘅展覽。


另外台上仲有著名潛水員嘅長時間水中閉氣表演。



跟往我就嚟到朝日電視台參觀。



呢度其中一個代表當然係「多啦A夢」啦!不過戴著耳筒一聽,即刻O嘴!因為原裝配音係女聲!因為我都係一直都聽開林保全式多啦A夢聲音25年,自然就以為原裝都係男聲。



大蜘蛛係六本木其中一件藝術品。



最後一站回到池袋享受Mos Burger。



不過質素就只係好過麥當勞少少,而且又貴,十分失望。



順便就去池袋站內嘅牛乳Bar品嚐北海道牛奶,奶味十分香濃,好飲!

聽日就係回程嘅日子,所以就要返酒店執好啲嘢,然後好好休息。

1 則留言:

  1. 我記得隻大蜘蛛,上次黎到呢度就風雲色變,狂風大雨呀!
    [版主回覆01/02/2010 12:23:00]咁勁?你向佢求雨呀?哈哈!

    回覆刪除