我與特奧會

2010年1月1日

日本東京一人之旅 Chapter 5 - 回家,八號風球

14-9-09 (東京 - 池袋 → 成田機場 → 香港)

因為今日下晝先至返香港,所以要爭取時間做最後衝刺!



今早嘅早餐只係求其喺附近一間食店食吉列豬扒飯定食,不過佢出奇地好味!




跟住再喺牛乳Bar再來一支牛奶!正!



穿過池袋站東口同Sunshine 60通道之後,就嚟到Sunshine City。



因為我嘅Plan並無東京鐵塔,所以就安排喺Sunshine 60展望台睇東京景色。



升降機運作嘅時候,成部升隆機變成宇宙景色,非常靚!



喺60樓望落嚟嘅東京景色!



跟往就嚟Namjatown,不過好老實講我嚟嘅目的只係食餃子,但始終係兩個人以上嚟呢度會好啲,因為呢度始於係玩嘅地方。另外表妹好鍾意貓,我諗佢會好鍾意。



餃子博物館內有好多嚟自不同地方同種類嘅餃子供應。



我試咗第一種內含三間店舖出產嘅煎餃子,麻麻地。



再試另一間嘅灌湯餃子,好過第一間少少,不過都係麻麻地。



臨走前,我就喺度用清我啲Coins嚟夾公仔碰運氣,不過幾次都無一隻落袋。

原本我諗住喺東武百貨買啲手信返香港,不過無嘢啱,唯有返酒店攞行李準備去成田機場。



其實嚟到機場嘅時候,距離起飛時間仲有個半鐘,所以要拿拿臨Check-in、過安檢,然後到閘口登機,喺安檢嘅時候仲見到田北俊添!

上咗飛機之後,就見到凌校長喺我嘅前兩三排座位上,同我打聲招呼之後坐底。

14-9-09 (香港)

返到香港之後,我打電話俾阿媽,阿媽話而家掛緊8號風球,跟住等攞行李期間,同凌校長傾咗一陣,行出機場之後,我就出去睇吓有無的士,不過打風期間無的士搭,唯有先搭機場巴士到沙田新城市廣場巴士站,不過喺呢度,排隊等的士嘅人非常多,同埋唔知幾時有的士嚟到,於是再轉坐火車返大圍睇吓,可惜仍然係多人等的士,唯有冒著風雨行返屋企,行到中途連雨傘都爛哂,於是棄傘前進,幾經辛苦,終於都返到屋企啦!

不過最諷刺嘅係返到香港之後,嗰啲腳部水疱同酸痛都消失咗!











1 則留言:

  1. 的餃子睇黎唔多好味道!
    我都好鍾意貓架,呢度可能都啱我架!
    [版主回覆01/03/2010 11:35:00]同意!

    回覆刪除