我與特奧會

2010年2月20日

踏入虎年的第一篇網誌

踏入虎年,我喺度恭祝大家身體健康!虎虎生威!

虎年第一個網誌,當然要回顧一下過去一週嘅賀年活動啦!

由於大哥喺大陸,二哥要返工,所以只有我同阿媽兩個出去拜年。

初一就去咗七舅父屋企!當日所有表叔伯兄弟都到齊。




麻雀當然唔少得啦!其實阿媽已經成年冇打過牌喇。




今年多咗唔少新面孔,包括呢位大表姐個囡囡。




不過最特別嘅係來自古巴嘅兩位親友都嚟呢度感受節日氣氛。




至於嗰三隻貓貓呢......上年嘅「親善大使」波波今年都加入咗啡啡嘅「龜縮團」,只係好短時間見過佢,至於「團長」啡啡就喺表妹嘅食物引誘下夾硬拉佢出嚟見見面,最唔怕羞嘅波斯貓仔仔就同上年一樣周圍走。




呢餐飯夠哂豐富,不過人太多,部份人要輪流進出枱面先得。




食完飯,當然要攞番份禮物返去喇,我就揀咗最上面嗰盒威化餅,超鬆化......!




難得兩位遠洋親戚嚟到,當然要影張大合照留念喇!

初二早上同姑媽姑丈飲茶兼拜年,夜晚就去大角咀同七舅母親戚屋企食開年飯。




今年仍然有盆菜(附陳年電爐,不過呢個係另一個)、仲有七舅父自製燒肉、叉燒、豬手、由加拿大運嚟嘅醃製三文魚同明火靚湯,非常豐富。




今年呢度仍然熱鬧,要輪流進出夾餸先得。




地方唔夠大,有啲要行出去食,夾餸先行番入嚟。

初三冇去拜年,但係睇過初一拜年啲相後,覺得係時候要換過部功能好啲嘅數碼相機至得,於是就去咗豐澤買咗部P記嘅ZS3,貪佢可以拍高清片同有得快速連拍。

初四同初五開工,除咗要逗開工利是之外,仲要回歸現實,因為緊接落嚟大部份同事要準備領袖才能工作坊,我就要準備領取渣打馬拉松選手包嘅事宜。

初六佢哋去咗工作坊,我就要去領取渣打選手包......




渣打紀念品之多,足以令到公司辦公室變成貨倉,不過各位同事唔駛驚,噚日喺兩位WAC運動員嘅幫助之下,已經將佢哋Pack好咗大部份喇!




不過最重要嘅......仲係號碼布!冇佢唔駛旨意去跑!

3 則留言:

  1. 人多勢眾,熱鬧又開心!
    [版主回覆02/21/2010 23:21:00]咁先有過年氣氛嘛!

    回覆刪除

  2. SAM~過了一個超開心熱鬧的新年喎

    回覆刪除
  3. Kitty預祝大家"三八婦女節"快樂!!! P.S.: 今日係blog友"Preesa"嘅生日大日子, 麻煩你都過去佢個blog到祝佢生日快樂呀!!! 唔該晒... http://hk.myblog.yahoo.com/preesa123

    回覆刪除