我與特奧會

2010年3月5日

嚟篇小事幾則,費事攤凍咗個Blog

關於WAC

過年後,公司分別有「香港學生運動員獎」工作坊同渣打馬拉松兩項大Project,前者佢哋忙啲,後者我忙啲,又要早起身,不過好在早開始又早收工,可以返屋企瞓個覺。

聽日係「香港學生運動員獎」頒獎禮,所以今日要準備好物資,搬去伊館同做綵排,過咗聽日,部份同事如阿昇同Ronnie就可以自由囉!(俾阿姐睇到嘅篇嘢嘅話唔好怪我!)

跟住嗰啲都係聯賽第一站(3月20、21日)、田總周年聚餐(3月25日)等濕碎嘢,忙極有限!

關於HKSAM

今年嘅特奧分區田徑賽我去幫第二同第四區,最大嘅分別就係多咗去睇住啲「新人」做分享時嘅表現,佢哋嘅表現相當唔錯。另外較早前我去咗基順學校做分享,鼓勵在場校友工餘時間參與體育運動,雖然我可以喺Blog度講吓以上活動嘅實況,不過近排工作忙,又懶咗寫Blog,決定唔寫lu!

至於本地運動員領袖計劃嘅發展情況可以話漸入佳境,第四區田徑賽當日召開咗第一次委員會會議,不過最令我驚喜嘅係凌校長推薦我做主席!我就喺各位同意嘅情況下接任呢份職務,而家我同Michael準備緊份導師Manu,都做後七七八八喇,下次開會就可以出台!

3月15號我會去教院幫以前教沙公嘅一位老師做有關自閉症嘅分享。另外3月22號嗰個禮拜會有「特奧東亞區羽毛球比賽」,到時我會出席歡迎同歡送晚宴,順道睇吓麗萍接任「區域信使」後第一個特奧東亞區活動致詞表現先。

報告完畢!

1 則留言:

  1. 做埋主席,你有排忙啦!
    [版主回覆03/07/2010 22:52:00]的確係!

    回覆刪除