我與特奧會

2010年10月28日

兩個禮拜,三個會議!

好耐都冇同各位喺度講自己嘅近況喇,最近公司工作並唔太忙,只係準備聯賽總決賽嘅Duty,至於WAC活動「升中講座」,因為兩個重要會議而未能幫公司手。(當然,公司已知道同批准我唔駛幫手先得喇!)

呢兩個會議有幾重要?重要到連公司活動都變得次要?早上要開沙公校董會會議,重要性其實唔算太大,但了解一下學校近況同俾吓意見都係好事。

下晝嘅特奧董事會會議,呢次會議不論對我,甚至對特殊奧運會運動員領袖計劃嘅發展來講十分重要,因為之前提及過嘅導師手冊嘅初稿已大致完成,係可以交俾董事會作最後查閱的最好時機,如果最後能夠通過,就可以進入最後排版及交由印刷商做印製工作,大約下年年頭會出街。所以我唔喺度坐鎮點得呢!

不過標題係「兩個禮拜,三個會議」,咁第三個會議又點嚟呢?其實第三個會議喺下星期五至日,喺澳門舉辦「特奧策略研討會」,到時港澳兩地的特奧會職員、董事會成員等一齊討論兩地未來五年嘅發展策略。

一連三個會議後,未來嘅活動......又係會議,11月30日至12月3日會喺香港舉行「特奧東亞區區域顧問會議」,屆時特奧東亞區嘅職員及各地官員會聚集在香港討論未來東亞區五年發展策略,呢個會議亦令運動員領袖們有發揮嘅機會,每節將會有運動員以普通話及英語主持會議,最後一天有滑冰示範,希望來賓們有一個難忘嘅旅程。

今日講到呢度,三個會議後再續。

1 則留言:

  1. 我有我的新空間2010年11月1日 上午2:04

    真係好忙喎!
    咁忙都來探訪空間. 多謝!

    回覆刪除