我與特奧會

2012年11月28日

「國際特殊奧運會執法人員火炬跑執行委員會」運動員代表

呢兩個月喺工作上、家庭上的事情有點不如意,很多負面的情緒一發不可收拾!做完Annual Gathering之後仲患小感冒,不過剛剛同三位阿Sir一齊跑步,跟住一齊食飯,同佢哋談天說地,除咗令我可以出一身汗,精神啲之外,仲為我重新注入咗正能量!希望可以keep住!
另外喺呢度宣佈一件好消息!就係小弟獲選為「國際特殊奧運會執法人員火炬跑執行委員會」運動員代表,為期兩年,其實呢件喜訊喺三個星期前已經得知,而家先講嘅原因係我需要一段時間消化呢個消息,畢竟呢個職位係全球每兩年只會選一位,比起做全球信使(12位)、火炬跑最後一棒代表(10位)更具重要性!


在此要特別多謝提名我嘅陳Sir喺國際火炬跑會議中令各執行委員會成員為我嘅形象加分,加上我同屆全球信使Mathea嘅協助下成功令我擔任呢個咁重要嘅職務,最後多謝公司同SAM會嘅悉心栽培!



陳Sir仲送咗呢本國際特奧會2011年報俾我,其中有一幅係我上年喺希臘火炬跑時嘅相片!當時嘅大會攝影師仲憑呢幅相喺國際特奧會火炬跑嘅攝影比賽中獲獎添!真係極具意義!

沒有留言:

張貼留言