我與特奧會

2012年12月29日

我與老媽子的2012聖誕澳門兩日hea遊 (下)



今朝早原本想瞓耐啲skip個自助早餐,不過我哋都係醒咗瞓唔番,所以就落嚟食個早餐,反正都係送嘅,唔好嘥。




嚟食早餐嘅人唔係好多,韓國人、內地遊客較多。



至於食物質素就相當普通,而且選擇少,攞咗兩輪已經試過哂所有食物。



食過早餐後,未到退房時間,先返房抖多陣先,12點先落大堂辦退房。

退房後,我哋決定去官也街買手信返香港,本來有專車去附近嘅氹仔運動場,但問休班司機後稱要等20分鐘之後先有下班車,而且行路去唔會太遠,於是我哋就決定慢慢行去官也街當散步。





散步時經過澳門銀河渡假酒店,淨係門面都相當豪華美觀,設備比起金都完善好多倍,好適合我哋啲冇plan行程hea遊嘅人,下次去澳門嘅時候可以考慮book呢間酒店。



呢間係5年前參加特奧青少年活動入住嘅酒店,當時銀河仲未起好,而家同銀河嘅規模真係有好大嘅對比。



行咗大約半個鐘,我哋到達官也街,今次入嚟唔同嘅地方就係多咗一處賣澳門自製或特色的物品。



雖然呢啲裝飾品好靚,但係今次目標唔係佢哋,所以影咗相當買咗。



呢啲喇........



仲有呢啲都係。



入呢條街嘅目的當然係買澳門鉅記手信啦!(雖然香港都有分店) 話明hea遊阿嘛!諗都唔想諗太多。



喺買手信之前先醫肚先,原本諗住喺呢間木偶葡國餐廳享受一下葡國菜,但係老媽子睇完餐牌後覺得啲菜色太油膩,加上噚日已經食咗啲油膩食物,於是我哋轉移陣地。



嚟到呢間沛記咖啡室試吓呢度著名嘅撈麵。



舖面裝潢比較舊,不過澳門好多茶餐廳都係咁。



老媽子叫咗牛尾牛脷撈麵,我都試過一口牛尾,好稔好香。



我就叫咗沙嗲牛脷撈麵,都幾好味。





去鉅記買去手信後,老媽子話有啲攰想搵地方坐吓。



我哋坐咗喺咀香園餅店外面,一望上去發現上層仲有集團贊助,由一班藝術家經營,專門售賣佢哋製作DIY作品嘅店舖,外牆嘅壁畫亦吸引咗我入去睇睇。



每層樓嘅牆壁都有唔同嘅藝術作品,呢幅以熊貓為主。



就連禁煙logo都別開生面。



其中一層有一個郵筒。



仲寫著「真的假不了」,但個郵筒係唔係真就唔知喇。



上到最頂嘅一層售賣嘅作品就係各藝術家製作嘅作品。



有啲仲相當貴,呢個就賣4680澳門幣。



知唔知呢張椅賣幾多錢?答案係過萬元澳門幣,但老媽子一估就中。

原本我哋訂購下午4點嘅船票返香港,但係見冇乜嘢行,於是決定提早個半鐘坐的士去氹仔碼頭。



碼頭前有好多酒店專巴前往各酒店,選擇酒店嘅時候可以考慮落車站選擇多嗰啲。



到達嘅時候,我哋可以搭3點船返香港,當然最後都係順利入閘。



等緊船嘅時候,有一大學做旅客問卷調查,回答問卷後有紀念品送。

就係咁,呢個兩日澳門hea遊就完滿結束喇!


沒有留言:

張貼留言