我與特奧會

2012年12月30日

SAM會運動員朋友聚會 @ 盛記麵家



去澳門前,沙公同學老秦想約我聖誕節晚上去盛記打邊爐,如果搭4點船返香港嘅話,可能返到屋企放低啲嘢就出門口,好彩早咗1個鐘返嚟,可以施施然沖個涼,換件衫,慢慢揀選喺澳門買返嚟嘅手信俾佢哋分享。




裏面擺放咗好多藝術擺設,由門口到入去走廊位都有。

老秦費盡心思每人都送一份禮物,有啲係比利時朱古力,有啲係其他禮物。

禮尚往來,我都俾啲澳門買嚟嘅花生糖同杏仁餅同大家分享,當係餐前小食。



今次嘅主角火鍋,整體來講係好食,特別係餃子、牛肉、丸類都好有質素。



呢日有稀客嚟一齊食飯,講緊嘅係同學兼鄰居玉怡,好多同學朋友都問我佢嘅近況如何如何,連我呢個鄰居都好少機會遇到佢,可能真係時間唔啱,老秦今日約到佢對我嚟講簡直係奇蹟。



有老秦喺度嘅場合就有例牌合照,所以基本上我係唔駛帶相機 (笑),不過呢張真係難得嘅合照,除咗玉怡外,惠玲我都好少同佢一齊食飯,不過食完飯之後意猶未盡,去新城市廣場食糖水。不過玉怡就有下場冇跟我哋去。


食完糖水後,我哋一齊出去平台睇聖誕LED燈飾匯演兼影相,到達嘅時候係最後一節,有唔少人駐足觀看,完咗之後所有人都返入去商場,我哋亦都各自解散,下次仲約咗佢哋除夕夜再去沙田食飯。


2 則留言:

  1. 祝------你吃的痛快,玩的開心!

    回覆刪除
  2. 燈飾好靚啊﹗祝你農曆年快樂常在﹗

    回覆刪除